ସାମାଜିକ କାର୍ଯ୍ୟର ପ୍ରତିବଦ୍ଧତା ସହ ସହରରେ ସ୍ବଚ୍ଛତାକୁ ଗୁରୁତ୍ୱ ଦେଉଥିବା ସାମାଜିକ ଅନୁଷ୍ଠାନ କ୍ଲିନ୍ ଆଣ୍ଡ ଗ୍ରୀନ୍ ତରଫରୁ ୭୩ତମ ସାଧାରଣତନ୍ତ୍ର ଦିବସ ସିଭିଲଟାଉନସିପ ସ୍ଥିତ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି। ଅନୁଷ୍ଠାନ ର ସାଧାରଣ ସଂପାଦକ ପ୍ରଦୀପ କୁମାର ଦାସ ଙ୍କ ଆବାହକତ୍ବରେ ଆୟୋଜିତ ଏହି କାର୍ଯ୍ୟକ୍ରମ ରେ ସଭାପତି ଡାକ୍ତର ଦେବେନ୍ଦ୍ର କୁମାର ସେଠୀ ଓ ବରିଷ୍ଠ ସଦସ୍ୟ ପ୍ରତାପ ଚନ୍ଦ୍ର ମିଶ୍ର ଜାତୀୟ ପତାକା ଉତ୍ତୋଳନ କରିବା ସହ ବକ୍ତବ୍ଯ ରଖିଥିଲେ। ସେହିପରି ଅନୁଷ୍ଠାନ ତରଫରୁ ଏସଟିଆଇ ଫ୍ଲାଇଓଭର ତଳେ ତିଆରି କରାଯାଇଥିବା ଉଦ୍ୟାନକୁ ସ୍ବଚ୍ଛ ରଖିବା ପାଇଁ ଲାୟନ୍ସ କ୍ଲବ ତରଫରୁ ଜନସାଧାରଣ ଓ ଦୋକାନୀ ଭାଇଙ୍କ ନିମନ୍ତେ ଡଷ୍ଟବିନ୍ ରଖାଯାଇଥିଲା। ଏହାକୁ ଲାୟନ୍ସ କ୍ଲବ ର ସଭାପତି ବି.ଏନ୍.ପଟ୍ଟନାୟକ ଓ ଡାକ୍ତର ଶ୍ରୀ ସେଠୀ ଉଦଘାଟନ ସହ ଲୋକାର୍ପିତ କରିଥିଲେ। କାର୍ଯ୍ୟକ୍ରମରେ ଅନୁଷ୍ଠାନର ବହୁ ସଦସ୍ୟ ଯୋଗଦେଇଥିଲେ।
