___ ଜାଗର ___
ଶ୍ଯାମା ପ୍ରସାଦ୍ ବୋଷ୍
ଆସୁଛି ଜାଗର ରହି ଉଜାଗର
ଜାଳିବା ଜାଗର ବତୀ
ଶିବ ପଞ୍ଚାକ୍ଷରୀ ମନ୍ତ୍ର ତୁଣ୍ଡେ ଧରି
ପାହିବ ଜାଗର ରାତି ।
ପ୍ରଭୁ ଆଶୁତୋଷ କରିବାକୁ ତୋଷ
ପ୍ରଭୁ ପାଦେ ରଖି ମତି
ପୁଷ୍ପ ,ଧୂପ, ଦୀପ, ଭକତି ନୈବିଦ୍ଯ
ସମର୍ପଣେ ଭାବ ଭକ୍ତି ।
ମହା ଶିବରାତ୍ରୀ ଜାଗର ଯାତ୍ରା ରେ
ଶିବ ଯେ ପ୍ରଶନ୍ନ ଅତି
ଶିବାଳୟେ ଭକ୍ତ ଭିଡ ଯମାଇବେ
ପାଳି ସବୁ ରୀତି ନୀତି ।
ଗୟଶ, ଦୁଦୁରା ବେଲପତ୍ର ଫୁଲ
କଦଳୀ , ନବାତ,ପତି
କଞ୍ଚା କ୍ଷୀର ,ମଧୁ,ପଇଡ,ମାଖନ
ଗଙ୍ଗାଜଳେ ପ୍ରଭୁ ପ୍ରୀତି।
ଶିବ ଙ୍କ ମହିମା ଅପାର କରୁଣା
ଜାଗର ର ପୁଣ୍ୟ ତିଥି
ଭକତି ଭାବରେ ପୂଜିଲେ ଅନ୍ତରେ
ଶିବଧାମେ ଗତି ମୁକ୍ତି ।
ଓଁ ନମଃ ଶିବାୟ ମନ୍ତ୍ରେ ରଖି ଲୟ
ଜାଳିବା ଜାଗର ବତୀ
ମୁଖେ ଶିବ ଶିବ ନାମ ଜପୁଥିବା
ପାହିବ ଜାଗର ରାତି ।
ଜାଗର ରାତ୍ରୀରେ ଶିବଙ୍କ ସ୍ତୁତିରେ
ରାତ୍ରୀ ଯାଉଥିବ ବିତି
ଶିବ କୃପା ବାରି ପଡୁଥିବ ଝରି
ବଢୁଥିବ ଶିବ ପ୍ରୀତି ।
ଶ୍ଯାମା ପ୍ରସାଦ୍ ବୋଷ୍
ଗ୍ରାମ :- ବେଗୁନିଁଆ , ମଲ୍ଲୀକ୍ ସାହି
ପୋଷ୍ଟ :- ଗୋପ୍ , ଜିଲ୍ଲା :- ପୁରୀ
