ତରବୋଡ଼ ଠାରେ କିସ ପକ୍ଷରୁ ମିନି ମାରାଥନ- ୨୦୨୪ ଅନୁଷ୍ଠିତ
ସମସ୍ତଙ୍କ ପାଇଁ ଶିକ୍ଷା ଉଦ୍ଧେଶ୍ୟରେ ଭୁବନେଶ୍ୱର କିଟ ଓ଼ କିସ ପକ୍ଷରୁ ରବିବାର ନୂଆପଡା ଜିଲ୍ଲା କୋମନା ବ୍ଲକ ତରବୋଡ଼ଠାରେ ମିନିମାରାଥନ ଅନୁଷ୍ଠିତ ହୋଇଯାଇଛି l ଏହା କୋମନା ବ୍ଲକ ବଞ୍ଜରୀ ଛକଠାରୁ ତରବୋଡ଼ ପର୍ଯ୍ୟନ୍ତ ୩ କିମି ଧରି ମାରାଥନ ଦୌଡ ହୋଇଥିଲା l ଏଥିରେ ଓଡିଶା କ୍ରିକେଟ ଏସୋସିଏସନ ର ଉପସଭାପତି ସରୋଜ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ପତକା ଦେଖାଇ ମିନି ମାରାଥନର ଶୁଭଆରମ୍ଭ କରିଥିଲେ l ଏଥିରେ ୨ ଶହରୁ ଉର୍ଦ୍ଧ୍ୱ ଛାତ୍ରଛାତ୍ରୀଙ୍କ ସମେତ ସ୍ଥାନୀୟ ଯୁବକ, ସାମ୍ବାଦିକ ଓ଼ କ୍ରୀଡାପ୍ରେମୀ, କିସ ଓ କିଟର ଆଲୁମିନିମାନେ ମାନେ ସାମିଲ ହୋଇଥିଲେ l ପରେ ତରବୋଡ଼ ମିନିଷ୍ଟାଡ଼ିଅମଠାରେ କଳିଙ୍ଗ ଟିଭି ଜିଲ୍ଲା ପ୍ରତିନିଧି କୁନୁ କରୁଆଁଙ୍କ ଅଧକ୍ଷତା ଆୟୋଜିତ ଉଦଯାପନୀ ସମାରୋହରେ ମୁଖ୍ୟ ଅତିଥିଭାବେ ଓସିଏ ଉପସଭାପତି ସରୋଜ ସାହୁ , ବିଶିଷ୍ଟ ଅତିଥିଭାବେ ନୂଆପଡା ଡେପୁଟି କଲେକ୍ଟର ହେମନ୍ତ ପୁଟା,ସମ୍ମାନିତ ଅତିଥିଭାବେ ଜିଲ୍ଲାପରିଷଦ ସଦସ୍ୟ ଭାନୁପ୍ରତାପସିଂ ମାଝୀ, ତରବୋଡ ସରପଞ୍ଚ ଗଙ୍ଗାରାମ ମାଝୀ, ସ୍ଥାନୀୟ ପ୍ରଧାନ ଶିକ୍ଷକ ପରସରାମ ଅହିର, ବାଞ୍ଜିବାହାଲ ହାଇ ସ୍କୁଲ ପ୍ରଧାନ ଶିକ୍ଷକ ଧର୍ମେନ୍ଦ୍ର ଶବର ପ୍ରମୁଖ ଅତିଥି ଭାବେ ଯୋଗଦେଇଥିଲେ l ଏହି ଅବସରରେ ସମସ୍ତଙ୍କ ନିକଟରେ ଶିକ୍ଷlର ବାର୍ତା କିଭଳି ପହଞ୍ଚି ପାରିବ ସେନେଇ ଉପସ୍ଥିତ ଅତିଥିମାନେ ଆଲୋକପାତ କରିଥିଲେ l ପରେ ଅତିଥିମାନଙ୍କ ଦ୍ୱାରା ମିନିମାରାଥନରେ ସାମିଲ ହୋଇଥିବା ସମସ୍ତଙ୍କୁ ମାନପତ୍ର ପ୍ରଦାନ କରାଯାଇଥିଲା l ମିନି ମାରାଥନ ମାଧ୍ୟମରେ ସମସ୍ତଙ୍କ ନିକଟକୁ ଶିକ୍ଷାର ବାର୍ତା ପହଞ୍ଚାଇବାର ଅଭିନଵ ପ୍ରୟାସ କରିଥିବା କିଟ ଓ଼ କିସ ର ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତଙ୍କୁ ଉପସ୍ଥିତ ଅତିଥିମାନେ ଭୁୟସୀ ପ୍ରଶଂସା କରିଥିଲେ l କିସର ପୂର୍ବତନ ଛାତ୍ର ହେମସିଂ ମାଝୀ ଉପସ୍ଥିତ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିବା ବେଳେ ସଂଯୋଜକ ମନୋଜ ମାଝୀ ଓ ସୁଶାନ୍ତ ମାଝୀ କାର୍ଯ୍ୟକ୍ରମକୁ ପରିଚାଳନା କରିଥିଲେ l