ସିମୁଳିଆରେ ଛିଣ୍ଡିଲା ଅଙ୍କ, ହଜିଲେ ଜ୍ଯୋତି ପ୍ରକାଶ
ବାଲେଶ୍ଵର,୨୦/୪/୨୪- ବାଲେଶ୍ଵର ଜିଲ୍ଲା ସିମୁଳିଆ-ଖଇରା ନିର୍ବାଚନ ମଣ୍ଡଳୀର ବିଜେଡି ବିଧାୟକ ପ୍ରାର୍ଥୀ ଘୋଷଣା ପାଇଁ ଅଙ୍କ କଷାକଷି ଚାଲିଥିଲା ନବୀନ ପଟ୍ଟନାୟକଙ୍କ କାର୍ଯ୍ୟାଳୟରେ । ଗୋଟିଏ ପଟେ ଶଶୀ କୁମାର ସାହୁ ଅନ୍ୟ ପଟେ ଜ୍ଯୋତି ପ୍ରକାଶ ପାଣିଗ୍ରାହୀ । ଶ୍ରୀ ପାଣିଗ୍ରାହୀ ବିଜେଡିରୁ ଦୁଇ ଥର ଜିତି ମନ୍ତ୍ରୀ ହୋଇଥିଲେ । କିନ୍ତୁ ଶ୍ରୀ ସାହୁ ଜଣେ ସୁଦକ୍ଷ ସମାଜସେବୀ ଓ ବ୍ଯବସାୟୀ । ଗତ ପଞ୍ଚାୟତ ନିର୍ବାଚନକୁ ନେଇ ଦଳ ଶ୍ରୀ ପାଣିଗ୍ରାହୀଙ୍କ ଉପରେ କ୍ଷୁବ୍ଧ ଥିବା ବେଳେ ସମାଜସେବୀ ତଥା ଯୁବ ବ୍ୟବସାୟୀ ଶଶୀ କୁମାର ସାହୁଙ୍କ ସମାଜ ସେବାରେ ସନ୍ତୁଷ୍ଟ ଥିଲା । ଶଶୀ ଓ ଜ୍ଯୋତିଙ୍କ ମଧ୍ୟରେ ଦୀର୍ଘଦିନ ଧରି ଟିକେଟକୁ ନେଇ ଲାଗି ରହିଥିବା ଅଛିଣ୍ଡା ଅଙ୍କ ଛିଣ୍ଡି ଯାଇଛି । ନା ମିଳିଲା ଶଶୀଙ୍କୁ ନା ମିଳିଲା ଜ୍ଯୋତିଙ୍କୁ । ଶଶୀ କୁମାର ସାହୁଙ୍କ ସହଧର୍ମିଣୀ ସୁବାସିନୀ ସାହୁଙ୍କୁ ମିଳିଲା ଟିକେଟ, ଯାହା ଦଳର ମୁଖ୍ୟ ନବୀନ ପଟ୍ଟନାୟକ ସରକାରୀ ଭାବେ ଷଷ୍ଠ ପ୍ରାର୍ଥୀ ତାଲିକାରେ ଘୋଷଣା କରିଛନ୍ତି । ଦୀର୍ଘଦିନ ଧରି ଟିକେଟ ଆଶାରେ ଦଳର ମୁଖ୍ୟ ଶ୍ରୀ ପଟ୍ଟନାୟକଙ୍କ ନିକଟକୁ ଦୌଡୁ ଥିବା ଜ୍ୟୋତି ଓ ଶଶୀଙ୍କ କଳହର ଅନ୍ତ ଘଟିଛି । ଶେଷରେ ଦଳ ମୁଖ୍ୟ ନବୀନ ପଟ୍ଟନାୟକ ମହିଳା କାର୍ଡ ଖେଳି ନୂତନ ବିଧାୟିକା ପ୍ରାର୍ଥୀ ଶ୍ରୀମତୀ ସାହୁଙ୍କୁ ମଇଦାନକୁ ଛାଡି ସିମୁଳିଆରୁ ଜ୍ଯୋତିଙ୍କୁ ହଜେଇ ଦେଇଛନ୍ତି । ଜ୍ଯୋତିଙ୍କୁ ବିରୋଧ କରୁଥିବା ଜନସାଧାରଣ ଜ୍ଯୋତି ହଜିଗଲା ସିମୁଳିଆରୁ ନାରା ଦେଉଛନ୍ତି । ଶ୍ରୀମତୀ ସାହୁଙ୍କୁ ନୂତନ ବିଧାୟିକା ପ୍ରାର୍ଥୀ ଭାବେ ପାଇ ସିମୁଳିଆ ଖଇରା ନିର୍ବାଚନ ମଣ୍ଡଳୀର ଭୋଟର ମାନଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି । ଶଶୀ କୁମାରଙ୍କ ଉଦ୍ୟମ ଓ ଶ୍ରୀମତୀ ସାହୁଙ୍କୁ ନବୀନ ପଟ୍ଟନାୟକଙ୍କ ଆଶୀର୍ବାଦ ଏ ମାଟି ପାଇଁ ଗର୍ବ ଓ ଗୌରବ ବୋଲି ସ୍ବାଭିମାନ ମଞ୍ଚ ଏବଂ ବଜାର କମିଟି ତରଫରୁ ପ୍ରଶାନ୍ତ କୁମାର ବେହେରା ଏବଂ ରବିନ୍ଦ୍ର କୁମାର ବିଶ୍ବାଳ ନବୀନ ପଟ୍ଟନାୟକଙ୍କୁ ଧନ୍ୟବାଦ ଅର୍ପଣ କରିଛନ୍ତି । ନୂତନ ବିଧାୟିକାଙ୍କ ଏବଂ ଆଗାମୀ ଦିନରେ ସିମୁଳିଆ-ଖଇରାର ବିକାଶ ପାଇଁ ସ୍ବାମୀ ଶଶୀ କୁମାର ସମସ୍ତ ଭୋଟରଙ୍କୁ ନିବେଦନ କରିଛନ୍ତି । ଅଛିଣ୍ଡା ଅଙ୍କକୁ ଛିଣ୍ଡାଇବା ସହିତ ସିମୁଳିଆ ନିର୍ବାଚନ ମଣ୍ଡଳୀରୁ ଜ୍ଯୋତି ପ୍ରକାଶ ପାଣିଗ୍ରାହୀ ଶାସନକୁ ସମୁଦ୍ରରେ ଫିଙ୍ଗି ଦେଇ ଥିବାରୁ ଭୋଟର ମାନେ ବହୁ ଆନନ୍ଦିତ ହୋଇ ନାଚୁ ଥିବାର ଦେଖାଯାଉଛି । ଏଥର ଶଶୀ ନନା ସ୍ତ୍ରୀ ଜିତିବ ଖଇରା- ସିମୁଳିଆର ବିକାଶ ହେବ କହୁଛନ୍ତି ଭୋଟର । ଯାହା ଭୋଟର ମାନଙ୍କ ଠାରୁ ଖବର ସଂଗ୍ରହ କରି ଲେଖନୀ ଚାଳନା କଲି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
