ମଶାଣିମୁଣ୍ଡାସ୍ଥିତ ଓଡିଶା ଆଦର୍ଶ ବିଦ୍ୟାଳୟକୁ ମଧ୍ୟ ପଟ୍ଟା ମିଳିଲା
କେସିଙ୍ଗା,04.03.2022 – ୧୯୫୯ ମସିହାରେ ଅଞ୍ଚଳରେ ଶିକ୍ଷା ର ବିକାଶ ନିମନ୍ତେ ଗଢିଉଠିଥିଲା କଳାହାଣ୍ଡି ଜିଲ୍ଲା କେସିଙ୍ଗା ସହରସ୍ଥିତ କେସିଙ୍ଗା ବିଦ୍ୟାପୀଠ । ଏହି ବିଦ୍ୟାଳୟରୁ ବାହାରି ଅନେକ ଛାତ୍ର ଆଜି ବଡ଼ବଡ଼ ସରକାରୀ ପଦବୀ ମଣ୍ଡନ କରିଥିବା ବେଳେ ଅନେକେ ବିଭିନ୍ନ ଦେଶର ବିଭିନ୍ନ ବିଭାଗର ଗୁରୁତ୍ୱପୂର୍ଣ୍ଣ ସ୍ଥାନରେ ଅଛନ୍ତି । ହେଲେ ଏହି ବିଦ୍ୟାଳୟଟି କେସିଙ୍ଗା ବ୍ଲକର ତଥା କଳାହାଣ୍ଡି ଜିଲ୍ଲାର ଏକ ପୂରାତନ ତଥା ଗୁରୁତ୍ବପୂର୍ଣ୍ଣ ବିଦ୍ୟାଳୟ ହୋଇଥିଲେ ମଧ୍ୟ ନିଜସ୍ଵ ଜମିପଟ୍ଟା ଆଜି ଯାଏ ପାଇପାରି ନ ଥିଲା। 
ହେଲେ ଏନେଇ ଅଞ୍ଚଳର ବିଭିନ୍ନ ଗଣମାଧ୍ୟମ ଜରିଆରେ ଅନେକ ଥର ଖବର ପ୍ରକାଶିତ ହୋଇଥିଲା । ଶେଷରେ ଏହି ଅପେକ୍ଷାର ଅନ୍ତ ହେବା ସହ ଦୀର୍ଘ 62ବର୍ଷ ପରେ ଏହି ବିଦ୍ୟାଳୟ କୁ ଆଜି ଜମି ପଟ୍ଟା ମିଳିଛି । ରାଜସ୍ୱ ବିଭାଗ ପକ୍ଷରୁ ମିଳିଥିବା ପଟ୍ଟାର ଖତିଆନ ନମ୍ବର ହେଲା ୧୩୫/୩୫୪ । ଏ ନେଇ ବିଦ୍ୟାଳୟ କର୍ତ୍ତୃପକ୍ଷ ଙ୍କ ସମେତ ଅଞ୍ଚଳର ସମସ୍ତ ବୁଦ୍ଧିଜୀବୀ, ଶିକ୍ଷାବିତ ଓ ପୁରାତନ ତଥା ନୂତନ ଛାତ୍ରଛାତ୍ରୀଙ୍କ ମଧ୍ୟରେ ଖୁସିର ଲହରୀ ଖେଳି ଯାଇଛି । ସେହିପରି, କେସିଙ୍ଗା ମଶାଣିମୁଣ୍ଡା ସ୍ଥିତ ଓଡିଶା ଆଦର୍ଶ ବିଦ୍ୟାଳଯକୁ ମଧ୍ୟ ସରକାରଙ୍କ ସଦ୍ୟତମ ଆଦେଶ ଅନୁଯାୟୀ ରାଜସ୍ୱ ବିଭାଗ ତରଫରୁ ଜମିପଟ୍ଟା ପ୍ରଦାନ କରାଯାଇଛି । ଦୀର୍ଘ ଦିନର ଦାବି ପୂରଣ ହୋଇଥିବା ବେଳେ ଏ ନେଇ ବିଦ୍ୟାଳୟର ପରିଚାଳନା କମିଟି ତରଫରୁ ଖୁସି ବ୍ୟକ୍ତ କରାଯିବା ସହ ସରକାରଙ୍କୁ ଧନ୍ୟବାଦ ଜଣାଇଛନ୍ତି । କେସଙ୍ଗା ରୁ ଏଲ କୋଟେଶ୍ୱର୍ ନାଇଡୁ ଙ୍କ ରିପୋର୍ଟ।
